الخـــجل فـــى الـــحـــب!!!!!!!!!!!!!!!!!!!!!!!!!!!!!!!!!!

الخجل فى الحب
تعالوا نتكلم فى الخجل فى الحب
هنكلم الاول عن الخجل بصفه عامه الخجل اللى بمعنى الحياء ده مطلوب سواء للبنت او الولد
لكن المهم ان متوصلش درجه الخجل عندنا لدرجه انه يكون سبب للسلبيه فى حياتنا او سبب لقصور فى شخصيتنا
بحيث انك تبقى عشان خجول تبقى مش قادر تتكيف على ظروف مجتكعك تبقى مش قادر تتصرف فاى ظرف طارئ
او تبقى مش قادر تختلط بالناس ولو جت الفرصه واختلط بالناس تلاقيك مش قادر تتكلم او ساعات تحس انك قاعد معاهم اه لكن بتتكلم مع نفسك
يعنى مفيش اجتماع ايجابى مع الاخرين
طب وليه تفضل مستسلم لشعور الخجل السلبى ده..؟
ليه متحاولش تاكد شخصيتك بين الناس ومتفضلش ساكت ومالكش راى بينهم..؟
الخجل ده نوع من الخوف الزائد اللى ممكن نحس بيه لما نيجى نواجه الناس او بتحس بيه لما تقابل شخص انت جواك حاجه عايز تقولهاله
وخجلك هو اللى بيمنعك وبيخليك مش قادر توصله شعورك من ناحيته
وممكن الخجل ده يفقدك الثقه بنفسك ممكن تقول لنفسك انا مش هروح اكلم الشخص ده عشان هو مش قابلنى
ده طبعا شعور سلبى وممكن يكون هو مستنيك تروح تكلمه
يعنى الخلاصه ان الخجل ده ليه نوعين خجل ايجابى وهو الخجل اللى بمعنى الحياء وده مطلوب للبنت والولد
وخجل سلبى وهو الخجل اللى بيبقى بدايه للسلبيه وعدم الثقه بالنفسوالاحساس بانك اقل من الناس
وطبعا اهم انواع الخجل السلبى هو الخجل الاجتماعى يعنى تبقى مش قادر تواجه الناس لان الخجل الاجتماعى بالذات بيقف قدام حاجات كتيير فى حياتك
ممكن ميخليش ليك اصحاب فىالجامعه مثلا او ممكن ميخلكش تقدر تكلم البنت اللى انت معجب بيها
والاهم انك ممكن متقدرش تصارح البنت الوحيده اللى انت حبيتها بحقيقه مشاعرك تجاها
ويبقى الخجل ده هو السبب اللى خلاك تفقد اغلى حاجه والحاجه اللى انت كنت عايش عشان تحققها
وطبعا دى تبقى سلبيه مش ايجابيه ولا نوع من الادب والاخلاق

طب علاج المشكله دى ايه ؟
وازاى تقدر تتخطى الخجل السلبى فى حياتك وتقدر تحوله على الاقل لخجل ايجابى و تكون شخصيه اجتماعيه؟
هقولك وعلى فكره الكلام ده عن تجربه والله انا نفسى كنت خجول جدا بس هقولكوا عملت ايه؟

اسأل نفسك انا بخاف من ايه وجاوب على نفسك علطول اجابات مباشره وواضحه صدقنى هتكتشف ان مفيش سبب يخليك من مواجهته
بخاف اكلم بنات ايه يعنى ما اجرب طب مهو انا ليا اخت بنت وبكلمها ولا بتكسف منها ولا حاجه
بخاف افول رايى فى موضوع ايه يعنى هخسر ايه
بخاف اقرب من الناس ليه يعنى هما هيكلونى طب منا فى البيت عايش مع ابويا وامى واخواتى وبكلم معاهم عادى

اقنع نفسك انك ممكن تعالج نفسك وبايديك ومش بمساعده حد

اقعد قول لنفسك بينك وبينها ان انت مش الوحيد اللى كده بس انا بقى الوحيد هبدا اعالج حالتى بنفسى وقرر كده
اقعد بين لنفسك مميزات شخصيتك وقدراتك الايجابيه وركز عليها مع نفسك شويه وازاى اثدر استفيد منها
وفى نفس الوقت واجه نفسك بعيوبك والحاجات اللى نقصاك فى شخصيتك
بس ماتكبرهاش اوى وقول لنفسك انك هتقدر تخليها ايجابيات

حاول تحسس نفسك انك راضى عن نفسك فى اى حال من الاحوال شكلا وموضوعا

حاول تتقبل وبكل رضا وحب ملامحك وشكلك وتكوينك الجسمانى وظروفك الماديه والاسريه
عشان انت مالكش اى دخل ابدا فيها كل ده بايد ربنا وحاول تخليها مصادر فخر وكرامه ليك
ومتخليهاش عامل يخليك تخجل من نفسك او نقص فى شخصيتك

اقعد قول لنفسك كل شويه انك قادر انك تتغير للاحسن طبعا فده بيديك ثقه فى نفسك انك هتقدر تتغير
وبيخليك تحاول انك تشيل مشاعر الخجل اللى جواك دى

زود شويه من فرص تواجدك مع زملائك وبالذات زميلاتك وطبعا داخل اطار الحياه الجامعيه طبعا وزود من تعاملاتك مع مختلف انواع الناس اللى ممكن تشوفهم
يعنى اعتقد لما تمشى على الخطوات دى ممكن تتخلص من شعور الخجل السلبى ده
اهم حاجه افتكر ان الخجل ده ممكن يبقى السبب اللى يقف بينك وبين حبيبتك
ويخليك تندم عليها طول حيــــــــــــــــــــــــــاتك